Archive for மார்ச் 6th, 2009

எனது பார்வை

நேற்றைய சந்தையின் போக்கு மிகுந்த ஏமாற்றமே……  ஏமாற்றம் என்பதை விட ஒரு ஆச்சரியம் கலந்த அதிர்ச்சி தான்!  எந்த இடத்திலும் கத்தியால் குத்தப்படவில்லை. ஆனால், ரத்தம் பீறிடுகிறதே என்ற பிரமிப்புதான்!!!

கடந்த ஒரு வாரமாக சந்தை எதிர் பார்ப்புக்கு மாறாக செயல் படுகிறது….    ஆயிரம் காரணங்களை அடுக்குவதில் அர்த்தம் இல்லை.   முக்கிய காரணமாக பார்க்கப்படுவது தேர்தல் அறிவிப்பு….  அது பற்றிய அறிவிப்புக்கு பிறகு சந்தையில் ஒரு மாறுபட்ட போக்கு தான் நிலவுகிறது.  தேர்தல் முடியட்டும் பிறகு பார்க்கலாம் என்பது போன்ற மனநிலை அனைவரிடமும் பரவலாக காணப்படுவது உண்மைதான். 

நேற்றைய முன் தினம் கூறியது போல

சிறு வணிகர்கள் 2-3 நாட்கள் சந்தையை வேடிக்கை பார்ப்பது நல்லது. கடந்த 2 நாட்களாக  சந்தையை சிலர் எதிர் பார்ப்புக்கு மாறாக வழி நடத்துகிறார்கள்.

கூடவே வதந்திகள்…

நேற்றைய சந்தையின் துவக்கத்தில் ஓ என் ஜீ சி நிறுவனத்தை பற்றிய வதந்தி சந்தையில் பின்னடைவை ஏற்படுத்தியது….   அதில் இருந்து அந்நிறுவன பங்குகள் சுதாரித்து நிலைப்பெற்றது… ஆனால் நிப்டியின் நிலை பரிதாபமாக…  

கூடவே மெக்டொவல் பற்றிய வதந்திகள்…

இந்த இடத்தில் ஒன்றை நினைவு கொள்ளுங்கள்… 

கடந்த அக்டோபரில் 2200 இல் இருந்து ஒரு வேகத்துடன் சந்தை 3298 க்கு பயணமானதும் அங்கிருந்து 2495க்கு வந்ததும் நினைவிருக்கலாம்.  அந்த சமயத்திலும் 1800-1600 என்று சொல்லி பலரை ஷார்ட் செல்லிங் செய்யவைத்ததும் நினைவிருக்கலாம். 

அது போன்ற ஒரு சூழ்நிலை தற்போதும் நிலவுகிறது….    சந்தை தனது கீழ் நிலையான (Closing Basis) 2525 ஐ இன்று உடைக்கும் ஆனால் முடிவு என்னவாக அமையும்?? என்பதே கேள்விக்குறி.

Bank Nifty –  வரலாறு காணத வீழ்ச்சியில் உள்ளது..

அக்டோபர் சரிவில் கூட இந்த அளவு கீழ் நிலையை எட்ட வில்லை….  அதைவிட 500 புள்ளிகள் சரிவடைந்துள்ளது.

இந்த அளவுக்கு அதிகமாக விற்கப்பட்ட நிலையில் (Over Sold   Zone)  உள்ளபோது ஒரு ஷார்ட்கவரிங் வேகம் அதிகமாகத்தான் இருக்க வேண்டும். 

முக்கிய தடை நிலைகள்  –  2547 – 2566.

ஒரு மாற்றத்தை – சிறிய ஏற்றத்தை எதிர்பார்த்து இன்னும் ஓரிரு நாட்கள் அமைதியாக வேடிக்கை பார்ப்பது என்று முடிவு செய்துள்ளேன்.