Archive for பிப்ரவரி, 2009

இன்றைய சந்தை 27.02.2009

சிறு வேலை பளு காரணமாக இன்று விரிவாக  எழுதவில்லை, அவ்வாறு எழுதுவதற்கும் ஒன்றும் இல்லை.

இரவினில் ஆட்டம் பகலினில் தூக்கம் என்பதை போல டவ் ஜோன்சின் நிலை உள்ளது.   நமது வேலை நேரத்தில் 7300 ஐ நோக்கி பயணமாவதும்… அதன் பிறகு 7200 க்கு கீழ் நழுவதுமாக இருந்து வருகிறது. 

2800 க்கு மேல் நிலைப்பட்டால் அதிபட்சம் 2860 வரை செல்லலாம்…  2765 –  க்கு கீழ் நழுவினால் 2730/2700/2650 வரை செல்லலாம்.   

ஓகே  10000 இல் இருந்து 10,000,00 என்பதையும் 1 லட்சம் டூ 10 லட்சம் என்பதை பற்றியும் நாளை பதிவாக எழுதுகிறேன். 

எனது பதில் முடியும்….

எப்படி என்று சொல்வதை விட அதை செய்து நிருபிப்பதே நன்றாக இருக்கும் என்பதால்,  அவ்வாறு செய்திடவும் அதை இங்கு தொடர்ந்து அப்டேட் செய்திடவும் விரும்புகிறேன். 

இதை சவாலாக ஏற்று – அவ்வாறு செய்தால் நான் பாதி லாபத்தை தருகிறேன் என்று சகோதரி பிரியா முன் வந்துள்ளார்.   அவருடைய வணிக விவரத்தை இங்கு தொடர்ந்து PDF or Screen Image  ஆக பதிவு செய்வோம்.

கூடவே நாளைய பதிவில் –  டெக்னிகல் வகுப்புகள் – அதன் சாதக பாதகங்கள்.   Paid calls அதன் சாதக பாதகங்கள். என்ற விவரங்களையும்  எழுதுகிறேன்.   (எங்களின் குறைகளையும் ) ஆனால் கண்ணாடி வீட்டுக்குள் இருந்து கல்லெறியும் செயலாக இருக்காது. 

நாளை சந்திப்போம்….

பின் குறிப்பு :-

இந்த வீர விளையாட்டை (10K to 1000 K )  மிகுந்த ஆர வாரத்துடன் இன்று இனிதே ஆரம்பித்துள்ளோம்.  

        Opening Amount 10800
        Closing Balance 15400
Date  Trade Option Entry  Qty Exit Profit
27-Feb 1st Trade 2700 PE  108 100 130 2200.00
  2n Trade 2700 CE 110 100 134 2400.00
             
        Total Profit   4600.00

இன்றைய சந்தை 26.02.2009

நமது வர்த்தக நேரத்தில்,  Dow Jones Future வர்த்தகத்தின் போக்கு பெரிய தாக்கத்தை ஏற்படுத்துகிறது.  நேற்றைய தினம் அவ்வாறே நிகழ்ந்தது.

கச்சா எண்ணை திடிரென்று 2$ வரை விலை உயர்ந்துள்ளது..   (தற்போதைய விலை 42.70$)

சரிவுகள் தள்ளிப்போடப்படுகின்றன…  மற்றபடி சொல்வதற்கு ஒன்றும் இல்லை.    

அதிக ஏற்ற இறக்கம் இல்லாமல் துவங்கியுள்ள ஆசிய சந்தைகள்…

FnO Expiry நாளுக்குறிய சிறிய மேடு பள்ளங்கள் காணப்படும்… 

2828 – 2795 – 2760 – 2740 2727 – 2710 – 2685 – 2650

============================================================================

மார்ச் மாதத்தில் இருந்து பங்குகளின்  FnO லாட் சைசுகள் மாற்றியமைக்கப்பட்டுள்ளது… இதன் தாக்கம் எவ்வாறு இருக்கும் என்று பொறுத்திருந்து தான் பார்க்க வேண்டும். 

எனது எதிர் பார்ப்பு   மாற்றியமைக்க பட்டுள்ள அளவுகளால் சிறு வணிகர்கள் அதிகம் Stock’s FnO வணிகம் செய்ய இயலாது.  ஆகையால் இண்டெக்ஸ் ப்யூச்சர் / ஆப்ஷனின் வர்த்தகம் அதிகமாகும். 

விவரங்களுக்கு….

http://www.nseindia.com/content/circulars/faop11720.htm

நண்பர் ஒருவர் அவருக்கு கிடைத்த தகவலின் படி ஆலோசனை கேட்டார்… எனக்கு கிடைத்த தகவல்களுடன் சரிபார்த்து இந்த ஆலோசனையை வழங்கிறேன். 

100% ரிஸ்க்   –   சில ஆயிரம் %  லாபமடைய வாய்ப்புள்ளது.

52 வார அதிக பட்ச விலை –  59     குறைந்த பட்சவிலை – 0.41

Cals Refineries-Bse Code-526652

இந்நிறுவன பங்கினை  தற்போதைய விலையான 🙂  45 பைசாவுக்கு
வாங்கலாம்.... ரிஸ்க் எடுக்க தயாராக உள்ளவர்கள் 10000 பங்குகளை
4500/- க்கு வாங்கலாம். 

 (இது ஒரு தகவலே..  இதனால் ஏற்படும் லாப நஸ்டத்திற்கு நான் பொறுப்பல்ல)

 

இன்றைய சந்தையின் போக்கு – 25.02.2009

அரசின் ஊக்க அறிவிப்புகள் பலவீனமாக துவங்கிய நமது சந்தையை தூக்கி நிறுத்தியது.   இச்சலுகைகள் போது மானதாக இருக்குமா.    வரிக்குறைப்பினால் உற்பத்தி செலவு குறையும் அதனால் சிறிய அளவில் பொருட்களின் விலையும் குறையும் ஆனால்  மக்களின் வாங்கும் சக்தி அதிகரிக்குமா?    உதாரணத்திற்கு மாருதி உடனடி விலைகுறைப்பில் இறங்கியுள்ளது.. அப்படி என்றால் விற்பனை நிலையத்தில் உள்ள வாகனங்கள் அனைத்தும் விற்பனையாகும் என்று எதிர் பார்க்க முடியுமா… ? இங்கு உள்ள படங்களை பாருங்கள் உலகமெங்கும் விற்பனையாகாமல் குவிந்து கிடக்கும் வாகனங்களை.

1234

Imported cars stored at Sheerness open storage area awaiting delivery to dealers

12234

Newly imported cars fill the 150-acre site at the Toyota distribution centre in Long Beach , California

நன்றி – படங்கள் அனுப்பிய கார்த்தி / கரூர்.

நாம் எதிர் பார்த்த முதல் டார்கெட்டான 2650 ஐ தொட்டு விடும் தூரத்திற்கு (2675.15)  வந்த அண்ணன் அந்த இடத்தில் இருந்து மீண்டும் மேலேறி செல்வது பலவீனமான ஏற்றமே.  இன்னும் சிறிய அளவில் சரிவுகள் மீதமிருக்கின்றன… அந்த சிறு சரிவு பெரிய அளவிலான சரிவாக மாறவும் வாய்ப்புகள் உள்ளது. ( அதாவது இந்த சிறு சரிவு தாமதப்படுத்தப்பட்டால்)    அதை அடுத்து வரும் நாட்கள் முடிவு செய்யும்.

சிறிய அளவிலான டவ் ஜோன்சின் ஏற்றம், அதையடுத்து உற்சாகமாக தற்போது துவங்கியுள்ள ஆசிய சந்தைகள்.. இவற்றின் தாக்கம் நமது சந்தையிலும் இருக்கும்.   50   புள்ளிகள் வரை ஏற்றம் இருக்கலாம்.   

2828 – 2790 – 2765 – 2745 – 2727 – 2700 – 2675 – 2650

=============================================================================

நேற்றைய பதிவுக்கு போதிய உறுப்பினர்களின் (பின்னூட்டம்) வருகை / ஆதரவு இல்லாததால் அதைப்பற்றிய விவரங்களை எழுத வேண்டாம் அல்லது பிறகு எழுதலாம் என்று விட்டு விட்டேன்.  

=============================================================================

ஆஸ்கார் தமிழன் / இந்தியன் ஏ.ஆர் ரஹ்மான் அவர்களுக்கு நமது வாழ்த்துகள்.  அவரின் திறமைக்கு இது தாமதமான அங்கீகாரம் தான்.   இவ்விருது மட்டும் அவரின் வளர்ச்சிக்கு / திறமைக்கான அளவுகோல் இல்லை. 

ஆனால் மும்பை குடிசைப்பகுதியில் 5 ஆண்டுகள் வாழ்ந்தவன் 15 ஆண்டுகளாக அந்நகரத்துடன் எனது வாழ்க்கை இணைந்துள்ளது என்ற முறையில் அத்திரைப்படம் மிகவும் தவறாக இந்தியாவை குறிப்பாக மும்பையை பிரதிபலிக்கிறது என்பது தான் உண்மை.    இன்றைய உண்மை நிலைக்கு மாறான நிலையைத்தான் காட்டி உள்ளார்கள் மிகவும் மிகைப்படுத்தபட்ட கதை/காட்சிகள். 

============================================================================

 எங்களது பரிந்துரைகளின் Performance Report  (கிளிக் செய்யுங்கள்)

இன்றைய சந்தையின் போக்கு – 24.02.2009

அனைவருக்கும் இனிய காலை வணக்கங்கள்…

சபாஷ், சரியான போட்டி…. டவ் அண்ணாச்சி தினசரி புதிய (கீழ்நிலைகளை) சாதனையை நிகழ்த்தி வருகிறார்.   7000 ஐ உடைக்கும் நிலை வந்து விட்டது.

அவரை ஒரு தயக்கத்துடன் போட்டி போட்டு பின் தொடரும் நமது (ஆசிய) சந்தைகள்..

கடந்த வெள்ளியன்று நாம் எதிர்பார்த்ததை போல 2727 ஐ உடைத்து கீழே சென்ற சந்தை மீண்டும் ஒரு நம்பிக்கையுடன் / எதிர் பார்ப்புகளுடன் முடிவுற்றது ஆச்சரியம் !!!!!

இன்று நமது எதிர்பார்ப்பான 2650  / 2626  நிலைகளுக்கு வாய்ப்புகள் அதிகம் காணப்படுகிறது.

2650 – 2675 – 2690 – 2727 – 2745 – 2765 – 2790

 

வெளியூர் பயணத்தில் இருந்து வீடு திரும்பும் வழியில் இப்பதிவை எழுதுவதால் அதிகம் எழுதவில்லை.

============================================================================

முந்தைய பதிவான ”என்னை பார் யோகம் வரும்” கழுதையின் படம் தம்பி கார்த்தி /கரூர், மெயிலில் அனுப்பி இருந்தார்… நன்றாக இருக்கிறதே… என்று பதிவிட்டேன், மற்றபடி சந்தைக்கும் அதற்கும் தொடர்பில்லை.

முக்கியமான கேள்வி:

கடந்த வாரம் எனது நண்பர்கள் இருவருடன் (ஒருவர் டெக்னிகல் அனலிஸ்ட்) சந்தையை பற்றி பல விசயங்களை அலசிக்கொண்டிருந்தோம்.

அந்த சமயம் 3 வது நண்பர் கேட்ட கேள்வி….

பத்தாயிரம் ரூபாயை  10 லட்சமாக்க முடியுமா?  முடியாதா?  

ஒரு லட்சத்தை 10 லட்சமாக்க முடியுமா? முடியாதா?

முடியும் என்றால் =  என்ன செய்தால்? எப்படி செய்தால்?  அதற்கு செய்ய வேண்டியது செய்யக்கூடாதது என்ன?  எவ்வளவு காலம் ஆகும். 

முடியாது என்றால் = ஏன் முடியாது?  

இப்படி ஒரு கேள்வி வந்த உடன் பல காரண காரியங்களை அடுக்கினோம்… அலசினோம்…  அதன் விவரங்களை நாளை பதிவாக எழுதுகிறேன்.  அதற்கு முன்பு மேலே உள்ள கேள்விகளுக்கு உங்களுடைய பதில்களை விரிவாக எழுதுங்கள்.

============================================================================

எங்களது பரிந்துரைகளின் Performance Report   (கிளிக் செய்யுங்கள்)

ஒரு கழுதையின் எதிர் கால கனவு

12221

இன்றைய சந்தை 20.02.2009

நேற்றைய தினம் எழுதியதை இன்று தொடருகிறேன்….  

நாம் திங்கள் கிழமை பதிவில் குறிப்பிட்டது போலவே தங்கம் 988$ என்ற முதல் இலக்கை அடைந்து விட்டது.

கச்சா எண்ணை 40 $ ஐ தொட்டு விட்டது…

8000 ஐ தன் வசப்படுத்தி வைத்திருந்த அமெரிக்க சந்தைகள் தாக்குதல்களை சாமாளிக்க முடியாமல் 7800-700 7500 என்று பின் வாங்கி 7400 க்கே வந்து விட்டது. 

அவர்களையே அடி வருடும் ஆசிய சந்தைகள்.  

உலகளவில் ஊடகங்களின் இன்றைய விவாதப்பொருள் “டவ் அண்ணாச்சி 7000 ஐ உடைத்து 6000 க்கு செல்வாரா? இல்லை, 5000 க்கு செல்வாரா?” என்பது தான்.   அவ்வாறு நிகழ்ந்தால் இன்னும் அமெரிக்காவை நாட்டாமையாக நினைத்து செயல்படும் நம்மை போன்றவர்களுக்கு சிக்கல் தான்.  (தற்போதைய சூழ்நிலையில் அவர்கள் பொருளாதார வல்லரசு கிடையாது, ஆனால் இன்றும் அவர்கள் தான் ஆயுத வல்லரசு என்பதை மறுக்க முடியது).

கடந்த ஆகஸ்ட், செப்டம்பர் மாதங்களில் கச்சா எண்ணை விலையேற்றம்,  அமெரிக்க சந்தை சரிவு, உள் நாட்டு பணவீக்க விகிதம் வரலாறு காணாத அளவில் உயர்ந்தது என்று பிரச்சினைகள் ஒரு சேர தாக்கியபோது வளரும் நாடுகள், பதறின ஆங்காங்கே சில சந்திப்புகள் மாநாடுகள் என்று விவாதித்தனர். ஆனால் பிரச்சினைகளின் வீரியம் குறைந்த உடன்,

அமெரிக்காவின் ஆட்சிமாற்றம் சில காட்சி மாற்றங்களை நிகழ்த்தும் என்ற நம்பிக்கையில் மெத்தனமாக இருந்து விட்டன.  அமெரிக்காவுக்கே பிரச்சினையின் ஆழம் தெரியவில்லை என்று அவர்களின் ஊடகங்களில் தற்போது வரும் செய்திகள் பூச்சாண்டி காட்டுகின்றன.

கடந்த ஒரு வருட உலக பொருளாதார சரிவுக்கு அமெரிக்கா தான் காரணம் என்றால் மிகையில்லை.  நமது நாட்டில் ஒரே ஒரு ”சத்ய” சோதனை தான் நிகழ்ந்து உள்ளது.  அதுவும் தொழில் ரீதியான சரிவு இல்லை, முறை கெட்ட நிர்வாகமும் அதோடு கூட்டணி சேர்ந்த நமது நாட்டின் சாபக்கேடான ஊழல் அரசியலும்  தான்.  மற்றபடி அஸ்திவாரத்தையே ஆட்டம் காணச்செய்யும் நிலையில் எந்த நிறுவனமும் இல்லை.  

இது போன்ற சூல்நிலையில் இன்னும் அமெரிக்காவை பின்பற்றும் நிலை ஏன்?    கிராமங்களில் அனைத்தையும் இழந்து தவிக்கும் சிலரை பண்ணையார் என்று அழைப்பார்கள்.  அது போலவே உள்ளது இன்னும் அமெரிக்காவை பெரிய அண்ணன் என்று அழைப்பது.  

2 நாட்களில் 200 புள்ளிகளுக்கும் அதிகமாக இழந்த நமது சந்தை அமெரிக்க சந்தைகள் மீளாதா என்று ஒரு நப்பாசையிலும், (நேற்றைய  தினம்  திடீரென்று  டவ் ப்யூச்சர் 70 புள்ளிகள் உயர்ந்த போது நமது சந்தையும் உயர்ந்ததை கவனித்திருக்கலாம்)  ரிசர்வ் வங்கி ஏதாவது வட்டி குறைப்பு போன்ற அறிவிப்புகளை வெளியிடாதா என்ற எதிர் பார்ப்பிலும்…  நிலைப்பெற்றது. கூடுதல் காரணம் ஒரு பெரிய சரிவினை தொடர்ந்து நிகழும் சார்ட் கவரிங்.    

3 நாட்கள் தொடர் விடுமுறை காரணம் வரும் திங்கள் மாஹாசிவராத்திரி. அன்றும் நமது சந்தைக்கு விடுமுறை.

  தற்போது சரிவுடன் துவங்கியுள்ளது ஜப்பான் / சீன சந்தைகள். 

 இப்படி பட்ட சூழ்நிலையில் துவங்கும் நமது சந்தை என்ன செய்யும் இன்னும் நம்பிக்கையுடன் செயல் பட முடியுமா.  சந்தேகம் தான்.  அதே நேரத்தில் 2745 – 2730 உடைக்காத வரை சரிவுகள் தள்ளிப்போடப்படலாம்.

எனது தனிப்பட்ட எதிர் பார்ப்பு…  2650 வரை தான்.. அந்த இடத்தில் உலக சந்தைகளில் ஒரு நம்பிக்கை ஏற்பட்டால்,  குறிப்பாக அமெரிக்க பங்காளி இழந்த மானம் மருவாதியை காப்பாற்றிகொள்ளும் முயற்சியில் இறங்கினால், அடுத்த வாரம்  சந்தை மேல் நோக்கி பயணமாகும்.  குறிப்பாக வங்கித்துறை பங்குகள்.

கடந்த 17.02.2009 அன்று நான் பரிந்துரைத்த.

ஹீரோ  ஹோண்டாவில் பெரிய மாற்றம் இல்லை.

போலாரிஸ் 48.50 என்ற விலையில் விற்றிருந்தால் 4/- லாபம் 2800 லாட் சைஸ் = 11200 லாபம். 

பயனாளிகள் பின்னூட்டமிடவும்.

நிலைகள் 2828 க்கும் 2727 க்கும் தான் போட்டி இதில் எந்த நிலை முதலில் உடை படுதோ அந்த பக்கம் செல்ல வேண்டியது தான். 

============================================================================

ரஹ்மான் – தங்கள் அளவுக்கு தரம் தாழ்ந்து என்னால் எழுத முடியும் என்றாலும் அது எனது சுபாவம் இல்லை என்பதால் நாகரீகமாகவே பதில் எழுதுகிறேன்.  

Jai hind  என்றும் indian  என்றும் போலியான ஈ.மெயில் தர வேண்டாம்… தாங்கள் முதல் பின்னூட்டம் எழுதிய போதே உங்களின் வீட்டு முகவரி /  தொலை பேசி எண் உட்பட அனைத்து தகவல்களையும் விசாரித்து விட்டோம்.  

முதலில் தங்களை யாரென்று எனக்கு தெரியாது, நீங்கள் யாருக்காக இப்படி வசைபாடுகிறீர்கள் என்றும் தெரியவில்லை.. உங்களுடைய எதிர் பார்ப்பு என்ன..? மனநிலை பாதிக்கபட்டவரா?

தங்கள் நோக்கம் என்னை கெட்ட வார்த்தைகளால் திட்டுவதும நான் எழுதுவதை நிறுத்த செய்வதும் என்றே அறிகிறேன்..  முதலில் விஜய குமார் என்பவரின் கட்டுரைகளை நான் மொழிபெயர்க்கிறேன் என்று சொன்னவர். அவரின் வெப்சைட் / மற்ற தகவல்களை கேட்டால்..  தற்போது பலரின் வெப்சைட்களில் இருந்து தகவல்களை திரட்டுகிறேன் என்று எழுதி உள்ளீர்கள்.   

முதல் பின்னூட்டம் படித்த போது கோபம் வந்தது உண்மையே ஆனால் நேற்றைய பின்னூட்டம் கண்டு சிரிப்பு தான் வந்தது.  காரணம் இதன் பின்னணியில் பதிவுலக நண்பர்களின் / தொழில் முறை போட்டியாளர்களின்  கை உள்ளது என்று தெரிவதால்,  பெரிய மனிதர்களுக்கு இது அழகல்ல. 

சரி உங்கள் ஆத்ம திருப்திக்காக உங்களின் குற்றச்சாட்டுகளை அனைவரின் பார்வைக்கும் வைக்கிறேன்.

நண்பர்களே….

1. சாய்-க்கு  டெக்னிகலே தெரியாது… அனலிஸ்டே கிடையாது.  

2. அடுத்தவரின் கட்டுரைகளை / கால்ஸ் களை மொழி பெயர்த்து போடுகிறார்.

3.  அவரை நம்பாதீர்கள்.

4. அவரே பல பெயர்களில் பின்னூட்டம் எழுதி கொள்கிறார்.

இதுதான் அவரின் குற்றச்சாட்டு கூடவே அவர் அவர்களுக்கு பிடித்த கெட்டவார்த்தைகளை சேர்த்து கொள்ளுங்கள்.

எனக்கு எந்த வருத்தமும் இல்லை.    நண்பர்களே இவருக்கு இந்த அளவு முக்கியத்துவம் தரதேவையில்லைதான்.  ஆனால் அவர்களின் நோக்கம் என்னை சலனப்படுத்துவது தான் அதை தவிர்க்கவே பதில் எழுதினேன்.   

இன்றைய சந்தையின் போக்கு – 19.02.2009

வர்த்தகத்தின் ஆரம்பத்திலேயே நல்லாத்தான் நேற்று குட்டைய குழப்பினார்கள்….   அதாவது முதல் 5 நிமிட வர்த்தகத்தில்  High  2915 (அதுவே day high)  low 2729, Volume – 20, 19050  என்று துவங்கியதை பார்த்து ஒரு நிமிடம் ஆடிப்போனோம்…  இதைப்பார்த்து ஏற்பட்ட குழப்பமும் சந்தை சரிவிலிருந்து தப்பியதற்கு ஒரு காரணம் என்று சொல்லலாம்.

அதே போல் Rate Cut அறிவிப்புகள் வர உள்ளது என்ற எதிர் பார்ப்பும் சரிவடைந்த வங்கித்துறை பங்குகள் மீள்வதற்கு உதவியது.

இன்றைய முக்கிய நிலை 2727  இதற்கு கீழே சென்றால் 2650 வரை செல்லும் என்று எதிர் பார்க்கிறேன். 

பின் குறிப்பு: –

பெரிய பதிவாக எழுதி வலையேற்றம் செய்யும் போது சில பகுதிகள் அழிந்து விட்டது 🙂 ஏன் என தெரியவில்லை.  நாளை விரிவாக எழுதுகிறேன். 

 

 

இன்றைய சந்தை 18.02.2009

16.02.2009 பதிவு…

//நாமும் 3100 ஐயும் அதற்கு மேலும் எதிர் பார்த்தோம் என்பது உண்மையே ஆனால் அதற்கான உடனடி சாத்தியங்கள் குறைய ஆரம்பித்து விட்டது.   தற்போது சிறிய ( குறைந்த பட்சம் 200-250) அளவில் சரிந்து மீள வேண்டிநிலையில் சந்தை உள்ளதை தொழில்நுட்ப பகுப்பாய்வுகள் காட்டுகிறது.//

இரண்டு நாட்களில் 200 புள்ளிகள் சரிவடைந்து விட்டது…  இன்னும் ஒரு 100 புள்ளிகள் எதிர் பார்க்கிறேன்.    அதன் பிறகு… ?? அண்ணன் அங்கு போகட்டும் பிறகு யோசிக்கலாம் அடுத்த கட்ட பயணத்தை….

2772 – 2762 – 2727 – 2662 – 2626

நீண்ட நாட்களுக்கு பிறகு ஒரே நேரத்தில் உலக சந்தைகள் அனைத்தும் சிவப்பு கம்பளம் விரித்து உள்ளது. 

பட்ஜெட்டுகளும் எனது சந்தேகங்களும் :-

95 ஆயிரம் கோடிகள் உபரி நிதி கையிருப்பு இருக்கும் வகையில் செயல்பட்ட ரயில்வே அமைச்சகத்துக்கும்,  அமைச்சருக்கும் வாழ்த்துகள். 

ஆனால் 2%  கட்டண குறைப்பு என்பது எந்த வகையில் மக்களுக்கு பயன் படும் என்று தெரியவில்லை.  கடந்த சில வருடங்களாக கட்டணம் உயர்த்தபடாததே மிக்பெரிய மறைமுக கட்டண குறைப்பு தான். அப்படி இருக்கையில் இது தேவை இல்லாதது.  நீண்ட தூரம் இரண்டாம் வகுப்பில் பயணம் செய்யும் பயணிகளுக்கு ஐந்து ரூபாய், ஆறு  ரூபாய் என்பது பெரிய விசயமே இல்லை,  பயணத்தில் அதைவிட அதிகம் தண்ணீர் மற்றும் தரமில்லாத  உணவுக்கு அதிக விலை  தருகிறோம்.    இதனால் அரசுக்கு வருவாய் இழப்பு என்பது பல நூறு கோடி ரூபாய்.   இப்படி சிறிய சலுகையை  (மீனை) போட்டு பெரிய வருவாய் இழப்பை சந்திப்பதற்கு பதிலாக நல்ல குடி நீர் கிடைக்க வழி செய்யலாம்.   அல்லது நல்ல விசயத்துக்கு பயன் படுத்தலாம்.

சரி தமிழக பட்ஜெட்டிற்கு வருவோம் – MP3 , MP4 பிளேயர்கள்  மற்றும் ஐபாட் மீதான விற்பனை வரி 12% இல் இருந்து 4% சதவீதமாக குறைக்கப்பட்டுள்ளது.  இது ஆடம்பர பொருட்களா? அல்லது  அத்தியவசிய பொருளா?

3500 புதிய பேருந்துகள் வாங்கப்படும் – நல்லவிசயம் உடனே வாங்குங்கள் கொஞ்சம் தரமானதா வாங்குங்க. 

பெரிய சந்தேகம் – கூட்டுறவு கடன்களை  குறித்த காலத்தில் திருப்பிச்செலுத்தினால் வட்டி தள்ளுபடி செய்யப்படும்.    அப்ப கட்டாதவங்களுக்கு?   அசலா? 🙂  சரியா விளக்கம் சொல்லுங்க.

சரி நாளைக்கு சந்திப்போம்…

எனது பார்வையில் இன்றைய சந்தை 17.02.2009

சந்தையின் சப்போர்ட்டாக இருந்து வந்த பட்ஜெட்  நேற்றையதினம் திரு முகர்ஜியால் தாக்கல் இல்லை இல்லை தாக்குதல் செய்யப்பட்டது.   அத்தாக்குதலால் கடுமையான செய்கூலி (புரோக்கரேஜ்),  சேதாரம், நஷ்டங்களை  சந்தித்துள்ளனர் மேலே செல்லும் என்று நம்பிய வணிகர்கள்.   செய்கூலி இல்லை சேதராம் இல்லை கற்களுக்கோ விலையும் இல்லை என்ற விளம்பரம் போல 3100/3200 என்று சொன்ன மீடியாக்கள் என்ன பதில் வைத்துள்ளார்கள்.  

இப்பொழுது சொல்லுங்கள்… 2900 க்கு எடுத்து சென்றது சித்தர்களா? அல்லது எத்தர்களா?

கடந்த 20/1/2009 – அன்று முன்னணி பங்குகளில் முதலீடு செய்யுங்கள் என்றும், 12.02.2009 அன்று விற்று வெளியேறுங்கள் என்று சொல்லியிருந்தேன்…. யாராவது முதலீடு செய்தீர்களா?.  அவ்வாறு செய்திருந்தால் 10% வரை லாபம் அடைந்திருக்கலாம். உதராணத்திற்கு ரிலையண்ஸ் பங்கினை 1190 ல் வாங்கி 1400 இல் வெளியேறியிருந்தால் லாபம் 200/-  அதாவது 15-16%.   இப்ப சொல்லுங்க 20 நாளில் 15% மோசமா? .

சரி நேற்றைய சந்தையின் பாதை நாம் அறிந்திருந்தது தான்… இன்றைக்கு போகும் பாதை எங்கே என்று பார்ப்போம்…  வேற எங்கே போவார் அண்ணன் 2727 க்கு தான். இன்று சேனலை உடைத்து கீழே செல்ல முயற்சிக்கும்..  நாம் இதுவரை அழுத்தமாக சொல்லிவந்த 2500 சப்போர்ட் கூட வரும் நாட்களில் தாக்குதலுக்கு உள்ளாகலாம்.  இப்போது அதை உறுதி செய்யவில்லை 2650 வரை பயணம் இருக்கும் என்பது உறுதி.

பெரிய அண்ணனின் சந்தைகளுக்கு நேற்றையதினம் விடுமுறை என்பதால் ஒன்றும் நடக்கவில்லை..  இருந்தும் ப்யூச்சர் வர்த்தகம் 7825 இல் 150 புள்ளிகள் சரிந்து  7675  ல் வர்த்தகமாகிறது.

நாளைய தினம் அமெரிக்க அரசின் சலுகை திட்ட விவரங்கள் முழுமையாக வெளிவரும்.. அதில் எதிர்பார்த்த திருப்தி இல்லை என்றால் பல முன்னனி நிறுவனங்கள்  அல்வா கொடுக்க தயார் நிலையில் உள்ளதாக தகவல்.  

நிப்டியின் சார்ட்டில் ஒரு Island top என்ற அமைப்பு உருவாகியுள்ளது. 

இன்றை நிலைகள் – 

2929-2882 – 2868 – 2845-2828-2800-2772 – 2745 – 2727 -2700

இன்றைய பரிந்துரை – 

ஹீரோ ஹோண்டா / போலாரிஸ்  நிறுவனப்  பங்குகள் கீழ் நோக்கிய பயணத்திற்கு ஏற்ற நிலையில் உள்ளது ப்யூச்சரில் பயன் படுத்தலாம்.

அனைவருக்கும் இனிய வர்த்தக தினமாக அமைய வாழ்த்துகள்..

============================================================================

நேற்றைய பதிவுக்கு பின்னூட்டம் எழுதிய அனைத்து நல் உள்ளங்களுக்கும் மிக்க நன்றி…  ஆனால் அனைவரும் தவறாக புரிந்து கொண்டீர்கள்  நான் எழுதுவதை நிறுத்துவதாக சொல்லவில்லை. தற்போது  எழுதி வரும் முறையில் இருந்து   மாற குறிப்பாக அழுத்தமாக பதிவு செய்யும் முறையில் இருந்து மாற விரும்புவதையும்.. குறிப்பிட்டிருந்தேன்.  மேலும் எழுத ஆலோசனைகளையும் கேட்டிருந்தேன்.

இனிமேல் என்னுடைய திறமையை நிருபிக்க வேண்டியதில்லை… எனது  வாடிக்கையாளர்களுக்கு / நண்பர்களுக்கு அவர்கள் நஷ்டத்தில் இருந்து மீள உதவியாக இருந்தாலே போதும்.

ஒவ்வொரு முறையும் மற்றவர்களின் எண்ணங்களுக்கு மாறாக அழுத்தமாக எனது கருத்துகளை பதிவு செய்யும் போது ஏற்படும் விமர்சனங்களால் தேவை இல்லாத மன உளைச்சல் ஏற்படுகிறது.   ஏன் என்று எனக்கும் தெரியவில்லை நன்கு அறிமுகம் ஆனவர்களே தவறான விமர்சனங்களை செய்து வருகிறார்கள். கடந்த சனி கிழமை 5 பேரில் ஒரே IP இல் இருந்து தவறான பின்னூட்டம் எழுதி உள்ளார் ஒரு நண்பர்.    இவர்கள் யார் என்று தெரிந்து கொள்வதிலேயே நமது மனம் திசை திருப்பப்படுகிறது . இதை எல்லாம் தவிர்க்க இனி எனது கருத்துகளை ஆழமாக பதிவு செய்யாமல் இருப்பதே நலம் என்று முடிவு செய்தேன்.  ஆனால் திடீரென்று மாறுவது என்பது எவ்வளவு தூரம் சாத்தியம் என்பது தெரியவில்லை.

உங்களை என்னிடம் இணைத்தது இந்த பதிவுகள் தான்,   ஒவ்வொருவரிடமும் வீட்டில் ஒருவனாக மாற்றியதும் பல  புதிய  உறவுகளை எனக்கு தந்ததும் இந்த பதிவுகள் தான். ஆகையால் நானே விரும்பினாலும் எனது விரல்கள் எழுதுவதை  நிறுத்தாது. 

ஏற்கனவே ஒரு முறை நான் சொன்னது போல இந்த பதிவு போதை ஒரு வித சுகமானது.. நாங்கள் பப்புக்கும் போவதில்லை பாருக்கும் போவதில்லை பிளாக்ல தான் கிடப்போமுங்க என்று பல பதிவர்கள் உள்ளார்கள். 

 

சந்தையின் போக்கு 16.02.2009

அனைவருக்கும் இனிய காலை வணக்கம்..

சந்தை குழப்பமான மனநிலையில் வர்த்தகர்களை வைத்துள்ளது என்பது தான் உண்மை.. சர்வதேச சூழ்நிலைகள் கவலை தரும் நிலையில் உள்ளபோதும் நாம் மாறுபட்டு இருக்க காரணம் பட்ஜெட் மற்றும் அதீத எதிர் பார்ப்பு தான்…   நாமும் 3100 ஐயும் அதற்கு மேலும் எதிர் பார்த்தோம் என்பது உண்மையே ஆனால் அதற்கான உடனடி சாத்தியங்கள் குறைய ஆரம்பித்து விட்டது.   தற்போது சிறிய ( குறைந்த பட்சம் 200-250) அளவில் சரிந்து மீள வேண்டிநிலையில் சந்தை உள்ளதை தொழில்நுட்ப பகுப்பாய்வுகள் காட்டுகிறது.

சந்தையின் போக்கை மாற்றும் வெளிக்காரணங்களை பார்ப்போம்….

அமெரிக்க சந்தை கடந்த 4 மாதமாக 8000 நிலையை வலுவான சப்போர்ட்டாக கொண்டு செயல் பட்டு வருகிறது. ஆனால் இன்று அந்த சப்போர்ட்டை உடைத்து புதிய கீழ் நிலையை உருவாக்க கூடிய பரிதாப / கவலை தரக்கூடிய நிலையில் Dow Jones  உள்ளது. 

இதற்கு முன் 7450 வரை சரிந்திருந்தாலும் 7900 க்கு கீழ் வாராந்திர (சார்ட்டில்) அடிப்படையில் முடிவடைந்தது இல்லை. ஆனால் சென்ற வாரம் 7825 இல் முடிவடைந்துள்ளது..  இதோ தற்போது 7750 ல் வர்த்தகமாகிறது..

தகதகக்கும் தங்கம்:- 

தங்கத்தின் விலை சிகரத்தை நோக்கி பயணம் செய்து கொண்டிருக்கிறது..  முந்தைய உயரத்தையும்(988$) … வரலாற்று உயரத்தையும் (1032$) உடைத்து முன்னேறினாலும் ஆச்சரியம் இல்லை. 

கச்சா எண்ணை – 4 $ வரை விலை உயர்ந்துள்ளது இதிலும் வாராந்திர சார்ட்டில் ஏற்றத்திற்கான சாத்தியங்கள் தெரிகிறது. 

உள்நாட்டு நிலவரம்:

கடந்த ஒரு வாரமாக சந்தையின் சப்போர்ட்டாக இருந்து வந்த பட்ஜெட் இன்று தாக்கல் ஆகும்.

ஆட்சியின் இறுதிகாலத்தில் நிதியமைச்சகத்தை (காலம் கடந்து) தனது பொறுப்பில் எடுத்த  நிதியமைச்சர் / பிரதமர் ஓய்வில் இருக்கிறார்.  இடைக்கால பொறுப்பு ஏற்றிருக்கும் திரு முகர்ஜி தாக்கல் செய்ய உள்ளார். 

அடுத்த சில மாதங்களில் தேர்தல் வர உள்ளதால்… ஓட்டு போடாத மேல் தட்டு மக்களுக்கு என்ன செய்வார்கள்… ஓட்டு வங்கியை குறிவைத்து தான் சில சலுகைகள் வெளியிடலாம்.   அந்த மாதிரியான அறிவிப்புகள் எந்த வகையில் சந்தைக்கு உதவும்…?  கூடவே கூட்டணி குழப்பங்கள்.   திரு சரத்பவாரை பிரதம வேட்பாளராக முன்னிறுத்தும் புதிய கூட்டணி என்ற ஆளுங்கட்சிக்கும், எதிர்கட்சிக்கும் புதிய தலைவலி என்று பேரங்களுக்கு வழிவகுக்கும் புதிய முயற்சிகளில் இறங்கி இருக்கும் மாநில கட்சிகள்.  இப்படி பட்ட சூழ்நிலையில் தாக்கல் செய்யும் பட்ஜெட் எந்த மாதிரியான புரட்சியை ஏற்படுத்தும்.. அவ்வாறே தொழில் துறைக்கு சலுகைகள் இருந்தாலும் சர்வதேச ஒத்துழைப்பு இல்லை என்றால் சந்தையின் 3800 -2200  காலகட்டத்தில் சந்தைக்கு திருப்பி விடபட்ட வங்கிகளின் பணம் கானல் நீரான நிலைதான் ஏற்படும்.

நாளையும் எதிர் நிலை எடுக்க முடியுமா? என்றால் முடியாது என்பதே எனது பதிலாக இருக்கும்

மார்ச் மாத 2500 / 2200 புட் ஆப்ஸன் மிகவும் ஆக்டிவாக உள்ளது…

டவ் ப்யூச்சர் – 7750 துவங்கியுள்ள சூழ்நிலை….

ஆசிய சந்தைகள் சரிவுடன் இருக்கும் போது SGX NIFTY மட்டும் அமைதியாக இருக்க பட்ஜெட்டை தவிர வேற காரணம்  இல்லை. 

 2870 – 2890 – 2929 -2945-2965

=============================================================================

சந்தையை பற்றி நான் இங்கு எழுதிவருவது என்னுடைய தனிப்பட்ட பார்வையில் ஏற்படும் எதிர்பார்ப்புகளே..   இவை எந்த வகையிலும் வர்த்தக ஆலோசனை இல்லை. சிறிய கண்ணோட்டமே…  தங்களுக்கு கிடைக்கும் பலதரப்பு தகவல்களில் இதுவும்  ஒன்று என்றளவில்  மட்டும் எடுத்து கொள்ளுங்கள்.  ஒவ்வொருவருக்கும் ஒரு பார்வை இருக்கும்.. அனைவரும் ஒரே சமயத்தில் ஒத்து போக முடியாது.. எல்லோருடைய பார்வையும்  ஒரே நேரத்தில் சரியாகவும் அமைய முடியாது. 

ஏற்கனவே நான் சொன்னது போல இங்கு நான் பகிர்ந்து கொள்ளும் நான்கு வரி செய்தியால் யாருக்கும் எந்த ஒரு லாபமோ நஸ்டமோ ஏற்பட வாய்ப்பு இல்லை.   இதை நமது பதிவை தொடர்ந்து பின் தொடர்பவர்கள் நன்கறிவர்.  இந்த கிறுக்கல்களை நம்பி எடுக்கும் எந்த ஒரு வர்த்தக முடிவினால் ஏற்படும் லாப நஷ்டத்திற்கு நான் பொறுப்பல்ல.     

குறிப்பாக இங்கு வருகை தரும் புதியவர்கள்,   முடிந்தால் எனது பழைய பதிவுகளை (ஜூலை -செப்டம்பர்)  முழுமையாகவோ அல்லது ஒரு சில பதிவுகளையோ  படித்து பாருங்கள். 

ஆங்கிலத்தில் கொட்டி கிடக்கும் தகவல்களுக்கு முன்னே நாங்கள் செய்வது பெரிய விசயமே இல்லை…   ஆனால் தாய் மொழியில் கிடைக்கும் சின்ன சின்ன செய்திகளும் ஒரு வித தாக்கத்தை ஏற்படுத்தும் என்பதை மறுக்க முடியாது.    அதன் வெற்றியே…  தினகரன் – தினத்தந்தி யில் வெளிவரும் ஒரு பக்க வணிக செய்திகள்.  ஆங்கிலத்தில் கிடைக்கும் தகவல்களை போல தமிழில் இல்லையே,   இந்த வணிகம் குஜராத்திகளும் மார்வாடிகளுக்கும் உரிதாக இருக்கிறதே என்று அனைவருக்கும் ஏற்படும் ஆதங்கம் எனக்கும் உண்டு.  எந்த ஒரு விசயத்திலும் ஏதாவது செய்ய வேண்டும் என்ற எல்லோரும் நினைத்தாலும்… அடுத்த நிமிடத்தில் நமக்கு ஏற்படும் வேலை பளு மற்றும் வேறு பல காரணங்களால் ஒன்றும் செய்யாமலே இருந்து விடுகிறோம்.  ஒரு சிலரே முன்னின்று அதை செய்கிறார்கள்.  அந்த வகையில் பங்குவணிகம் திரு சரவணகுமார் அவர்கள் தமிழில் ஒரு முன்னோடி என்றால் மிகையில்லை,   முழு நேர வணிகர் அல்லாத ஒருவர் தொடர்ந்து எழுதிவருவது பெரிய விசயம்..   அவரை தொடர்ந்து இன்று பலரும் எழுதி வருகிறோம். 

ஆனால் அனைவரும் சந்தையின் லெவல்களையும் அன்றாட ஊசலாட்டத்தையும் பற்றி எழுதும் போது படிப்பவர்களுக்கு சலிப்பும்.. குழப்பமும் ஏற்படுகிறது. 

அடுத்த சில நாட்களில் 2600 என்ற எனது இலக்கை அடைந்த உடன் தினசரி கட்டுரையை தவிர்க்க விரும்புகிறேன்.   Trend Reversal ஏற்படும் போது மட்டும் அதை எழுதலாம் என்று நினைக்கிறேன்.   வேறு என்ன மாதிரியான தகவல்களை எழுதலாம் என்று யோசிக்கிறேன்.. நீங்களும் ஆலோசனை சொல்லலாம்.

============================================================================