Archive for ஒக்ரோபர் 14th, 2008

இன்றைய சந்தையின் போக்கு 14.10.2008

இன்று மீண்டும் ஒரு கேப்-அப் ஓபனிங் நாள்,  ஏற்கனவே சொன்னது போல் அதி வேகம் நமது சந்தைக்கும் நல்லது அல்ல.  சரிவின் வேகத்தை விட ஏற்றத்தின் வேகம் கொஞ்சம் அதிகமாக இருக்கிறது.  இங்கு ஒன்றை நினைவில் வைத்து நமது வர்த்தகத்தை மேற்கொள்வது நல்லது.  கடந்த சில நாட்களில் பல ஜாம்பாவண்களை (சூதாடிகள்) கூட ஏழைகளாகவும் சில புதியவர்களை புது பணக்காரர்களாகவும் சந்தை மாற்றியுள்ளது. ஆகையால் சந்தையின் போக்கை பற்றி அதிகம் பேசாமல் அதன் போக்கில் சென்று வணிகம் செய்வதுதான் நன்று, அதே சமயம் விட்டதை பிடிக்கும் ஆசையில் அதிகம் ரிஸ்க் எடுக்காதிர்கள்.  நம்மை விட சித்தர்களின் சித்து விளையாட்டுகள் அதிகம் இருக்கும்.  இது போன்ற நேரங்களில் தான் அதிகம் விளையாடுவார்கள்.

அமெரிக்க சந்தைகள்  ஒரே நாளில் 10% எழுச்சியடைந்துள்ளது..  ஆனால் இந்த எழுச்சியை அதனால் தக்க வைத்து கொள்ள இயலுமா? என்றால் சந்தேகமே.  இன்னும் எந்த புற்றுக்குள் எந்த பாம்பு இருக்கு என்ற தெரியாத சூழ்நிலை,  திவால் சீசன் முடிந்ததா இன்னும் யாரும் காத்திருக்கிறார்களா?  தெரிய வில்லை..

நேற்றைய தினம் நமது சந்தை கேப் அப் ஆக துவங்கி உடனடியாக நழுவியது ஆனால் நிதியமைச்சரின் பிரஸ் மீட்டுக்கு பிறகுதான் மேல் நோக்கி பயணம் செய்தது. 3445 இல் இருந்து 3548 வரை 10ம் தேதி அன்று ஏற்பட்ட இடைவெளியை நிரப்பியது. 

இந்த இடத்தில் ஒரு விசயத்தை எழுதிவிடுகிறேன்…  மீண்டும் அண்ணன் நிப்டியார் 3300 நிலைக்கு வருவார்.   எப்ப வருவார்?  ஏன் வருவார்? எப்படி வருவார்?  என்று தெரியாது.  ஆனால் வரவேண்டிய நேரத்தில் நிச்சயம் வருவார்..

இன்று துவக்கம் 3650 க்கு அருகில் இருக்கும், 3750-800  வரை செல்லலாம் . 3800 ஒரு வலுவான மேல் நிலையாக இருக்கும்.  அதை கடப்பது ஐரோப்பிய சந்தைகளில் ஏற்படும் உற்சாகத்தை பொறுத்து முடிவாகும்.   ஆனால் டெக்னிகலுக்கு எதிரான ஏற்றம் இது.  3800 -3900 களில் சந்தை ஒரு சில நாட்கள் நிலை பட்டால் 4100 வரை செல்லலாம்.

முதலீட்டிற்கு

சன் டிவி மற்றும் ரிலயன்ஸ் பவர் குறுகிய கால முதலீட்டிற்கு உகந்த நிலையில் உள்ளது.

நிப்டியின் முடிவு என்ன?   1.00 மணிக்குள் தங்களின் பதில்களை பதிவு செய்யவும்.

 

Advertisements