சந்தையின் போக்கு 18.08.2008

தொடர்ந்து 3 நாட்கள் விடுமுறைகளுக்கு பிறகு இன்று சந்தை எதை நோக்கி செல்லும் ?

தொடர்ந்து சொல்லி வருவது போல் சந்தை ஒரு பலவீனமான நிலையில் தான் உள்ளது, அதேபோல் தற்காலிகமாக நமது சந்தை உலகசந்தைகளை  தான்  பின்தொடரும் வாய்ப்பு உள்ளது, இந்த நிலை அடுத்த  பொதுத்தேர்தல்  முடியும்  வரை தொடரும் என்றே கருதுகிறேன்.  காரணம் அதற்கு முன்பாக பெரிய தடாலடி மாற்றம் இங்கு ஏற்பட்  வாய்ப்புகள் குறைவு.

இன்றைய சந்தையில் –  கடந்த வியாழன் அன்று வெளிவந்த பணவீக்க விகிதம்,  ஊதிய கமிஷனின் பரிந்துரைகளை ஏற்று கொண்டது,  வியாழன் மற்றும் வெள்ளி அன்று  ஏற்பட்டுள்ள் தங்கம் மற்றும் கச்சா எண்ணெயின்  விலை  குறைவு  ஆகியவற்றின்  தாக்கம் இருக்கும் என்று நம்புகிறேன்.

அதேபோல் வியாழன்/வெள்ளி  – உலக பங்குசந்தைகளில் பெரிய மாற்றம் இல்லை அனைத்தும் மந்தமாகத்தான் கானப்பட்டது (Dow Jones மட்டும் 120 புள்ளிகள் உயர்ந்துள்ளது)

தற்போது துவங்கியுள்ள ஆசிய சந்தைகளும் (நிக்கி யை தவிர)  மந்தமாகத்தான் காணப்படுகிறது.

4370 மிகவும் வலுவான சப்போர்ட் அது இன்று உடைபடுமா என்பது பொறுத்திருந்து பார்ப்போம், மேலே 4525 வரை செல்லவும் வாய்ப்புகள் உள்ளது ஆனால் அதை நம்பி புதிய நிலைகளை எடுக்க வேண்டாம்.  (14.8.2008 ஏற்பட்ட் கேப்டவுன் இடைவெளியை நிரப்பும் பொறுட்டு மேலே செல்லலாம் என்பது என் கணிப்பு)

மொத்தத்தில் இன்று சந்தை மந்தமாகத்தான் (Flat)  இருக்கும் என்று கருதுகிறேன்.

மனைவின் மரணத்தில் அழிகின்ற உடலைப் பார்த்தான் சாதாரண மனிதன்!    அவள்  மரணத்தில் அழிகின்ற காதலை பார்த்தான் ஷாஜஹான். 

முதல் பார்வை சோகத்தில் முடிந்தது! இரண்டாம் பார்வை தாஜ்மஹால் என்ற சாதனையில் முடிந்தது.

கடந்த மூன்று பதிவுகளுக்கு பின்னூட்டமிட்ட அனைவரின் வருகைக்கும், வாழ்த்துகளுக்கும் மிக்க நன்றி.