Archive for ஓகஸ்ட் 5th, 2008

சந்தையின் போக்கு

ஒரு புரியாதா புதிராக சந்தை கடந்த 3 நாட்களாக இருந்து  வருகிறது…..  தென்னை மரத்தில் தேள் கொட்டினால் பனை மரத்தில் நெறி கட்டும் என்பது நமது சந்தைக்கு மிக பொறுந்தும்………..

ஆனால், வெள்ளி கிழமை ஏற்பட்ட ஐரோப்ப சந்தைகளின் சரிவு, அமெரிக்க சந்தையின் சிறிய தடுமாற்றம். நேற்று ஆசிய சந்தைகளின் மந்தமான நிலை/சரிவுகள், எதையும் கண்டு ஆஞ்சாமல் ஒரு “அஞ்சா நெஞ்சானாக” இருப்பதை பார்த்து சந்தோசப்பட முடியவில்லை.. பயம் தான் தோன்றுகிறது. 

அதே நேரம் பெரிய ஏற்றமோ சரிவோ இல்லாமல் அமைதியாக இருப்பதும் யோசிக்க வேண்டிய விசயம், மதில் மேல் பூனையாகத்தான் உள்ளது….  அது எங்கள் பக்கம் தான் குதிக்கும் என்றும். இல்லை, இல்லை எங்கள் பக்கம் தான் குதிக்கும் என்றும் பலர் (சாட் போனவர்களும், லாங் போனவர்களும்) சொல்லி வருகிறார்கள்.   நாமும் பொறுத்து இருந்து பார்ப்போம்….. 

நேற்றும் அமெரிக்க/ஐரோப்ப சந்தைகள் சிறிய சரிவுகளுடன் தான் முடிவடைந்துள்ளது.. தற்போதைய ஆசிய சந்தைகளும் (நிக்கி யை தவிர) சரிவுகளுடன் தான் துவங்கியுள்ளது, அதிலும் குறிப்பாக ஹாங் செங்கின் சரிவை (400 புள்ளிகள்) கவனிக்க வேண்டும்.

அஸ்திவாரம் ஸ்ட்ராங், ஆனால் தற்போது கட்டப்படும் மேல்தளம் தான் பலவீனமாக உள்ளது.

4553 – 44864439 – 4391 4335 – 4211

===========================================================

 யூனியன் வங்கியின் டபுள் பாட்டத்தின் தற்போதைய நிலை என்ன என்று,  யாரெல்லாம் கவனித்தீர்கள் என்று எனக்கு தெரியாது,  141.50 பாருங்கள்.

தங்களில் பலர் – உத்தியோகம் / தொழில் போன்ற பல காரணங்களால் தினவர்த்தகம் செய்ய இயலாமல் இருக்கலாம், ஆனால் இன்வெஸ்ட்மென்ட்  மற்றும் ஃப்யூச்சர் ரில் ஈடுபாட இது ஒரு நல்ல கான்செப்ட்(டபுள் பாட்டம்). சொல்லி தருவது பெரிய விசயம் இல்லை, நீங்கள் எத்தனை பேர் அதை பயன் படுத்துகிறீர்கள் என்பது தான் முக்கியம், தினசரி தேடினால் 10 டபுள் பாட்டம் கிடைக்கும்.  தேடுங்கள், சொல்லுங்கள் டீம் வொர்க் செய்வோம்.

“வானத்தில் வல்லூறுகளுடன் வட்டமிட்டுப்பறக்க ஆசைபட்டால், வான்கோழிகளோடு ஓடி கொண்டிருக்காதிர்கள்! – எங்கோ படித்தது”