சந்தையின் போக்கு 19.09.2008.

நீண்ட நாட்களாக எதிர்பார்த்த 3800 என்ற நிலை வந்தது மகிழ்ச்சியே,  இடைவெளியை நிரப்பும் பொறுட்டு மீண்டும் கிழே வரும் என்ற பயம் தற்போது இருக்காது (வேறு காரணங்களில் சரிவடையலாம் அது வேற விசயம்). 

ஆனால் நேற்று ஏற்பட்ட எழுச்சி பயமுறுத்தியது நம்ம நிப்டியார் கொஞ்சம் ஓவர் ஸ்பீடில் தான் சென்றார்,  அதிவேகம் ஆபத்து தான்.  அதேபோல் அனைத்து தரகு நிறுவனங்களும் நேற்றையதினம் கால் ஆப்ஷனை வாங்கு வாங்கு என்று கூவியதும் நல்லது அல்ல இது போன்று முந்தைய காலங்களிலும்  ஏற்பட்ட உற்சாகம் எதிர்பார்த்த பலனை தரவில்லை என்பது உண்மையே. 

4100 க்கு மேல் சென்றால் 4240 வரை செல்ல வேண்டும் ஆனால் என்னுடைய தனிபட்ட கருத்து “இன்று சந்தை சிறிய அளவில் சரிவடையலாம்” காரணங்கள்….

நேற்றைய தினம் சீறிபாய்ந்த காளையின் வேகம் (ப்யூச்சர்) 4073 இல்  தடைபட்டது…  அதவது 15/9/2008 அன்று அதிக பட்ச நிலையான 4099 ஐ உடைக்காதது கவலை அளிக்கிறது உடைத்திருந்தால்   4240  இன்று உறுதி செய்யப்பட்டிருக்கும்.  

இன்று வெள்ளிகிழமை – இன்னும் 4 வர்த்தக தினங்களே F&O Expiry க்கு உள்ளது.  நேற்றைய தினம் கீழ்நிலைகளில் லாங் போனவர்கள் இன்று லாபத்தினை உறுதி செய்ய முற்படலாம்.  குறிப்பாக கால் ஆப்ஷன் எடுத்தவர்கள்,  அதனால் ஏற்படும் செல்லிங் அழுத்தம் சந்தையை சரிவடைய செய்யும்.

கூடவே நம்ம பங்காளி நேற்றைய தினம் 400 புள்ளிகளுக்கு மேல் உயர்ந்துள்ளார்.  அண்மைகாலமாக நம்ம அண்ணன் பங்காளிக்கு எதிராய் குறுக்கு சால் ஓட்டிவருகிறார். ஏதோ வாய்க்கா தகராறு.  நாட்டாமைகிட்ட சொல்லி பஞ்சாயத்தை கூட்டிடலாம்.

இன்றைய தினம்  நிப்டி ப்யூச்சரின் நிலை

4225 – 4182 – 4120 – 4068 – 4059 – 4036 - 3974 – 3949 – 3941 – 3914

===============================================================

மீண்டும் ஒருமுறை நினவூட்டுகிறேன் இங்கு நான் எழுதிவருவது அனைத்தும் எனது தனிபட்ட எதிர்பார்ப்புகள்தான் அது அப்படியே நடக்கும் என்ற உத்திரவாதமோ அல்லது அப்படி தான் நடக்க வேண்டும் என்ற அவசியமோ இல்லை.

அதே போல் இந்த 10 வரி கட்டுரையால் யாருக்கும் பெரிய சாதக / பாதகங்கள் இருந்து விட போவதில்லை என்ன ஒரு இப்படியும் சந்தையின் போக்கு அமையலாம் என்ற ஒரு கருத்தும் படிக்கும் மக்களிடம் ஏற்பட்டு ஒரு சின்ன மன நிறைவு.  ஒரு கையெழுத்து பத்திரிக்கை போல் தான்.   என்னை விமர்சிப்பவர்கள் உண்மையிலுமே என்னை விட அறிவாளிகள்தான், இந்த சந்தையின் நாடி துடிப்பை நன்கு அறிந்தவர்கள் தான், ஏன் அவர்களும் விமர்சிப்பதோடு நிறுத்தி கொள்ளாமால் குஜராத்திகளும், மார்வாடிகளும் கோலோச்சும் இந்த வணிகத்தில் தமிழ் சமுதாயமும் வெற்றி பெறட்டும் என்று தங்களுக்கு தெரிந்த விசயங்களை அடுத்தவர்களுக்கு சொல்லி தர முன்வரக்கூடாது. 

=================================================================